Wikisourd:Depot/Lucyin/L’ infôrmatike (Marchal)

Racsegnes sol tecse metou dvins l’ depot

Tite	L’ infôrmatike
Oteur	Willy Marchal
Date do scrijhaedje (do ratournaedje, do rortografiaedje, evnd.)	2022
Date d’ eplaidaedje (so Wikisourd)	13 di djanvî 2022
Depôzitaire	Lucyin
Info	riscrît mot po mot pa Lucien Mahin daprès l’ papîscrît då scrijheu

L’ infôrmatike

I

Dispeuye ki dj’ fé d’ l’ infôrmatike,
Dji m’ sins chake djoû pu aflachi ;
Sacré Bon Diè, kine gymnastike !
Tos les djoûs, ça m’ faît arèdjî.
Choûtez one miète ki dj’ voz èsplike
Pokwèt k’ dji m’ sins tot ratchitchi.

Dj’a on MAC
K’ èst patrake ;
Mi PC
K’ èst djosté ;
Li PENTIUM
Sins calciom ;
V’ là l’ècran
K’ èst tot blanc ;
Lès polices
Dins l’ wachis′ ;
Li SCANNER
K’ a sès nièrs ;
Li mémwère
Sins èspwère ;
L’ DVD
K’ èst skèté ;
Lès finièsses,
K’ èles sont bièsses ;
L’ deur CD
K’ èst drâné ;
Po tchwèzu
Dji n’ waze pu ;
Lès coleurs,
Ké maleur !
V’ la l’ MODEM
Qui d’vint djène
Li graveu
D’mère tot seu
L’ MS-DOS
Rote à crosses
L’ USB
Tot sbaré
Li soris
Vore todi.

Ah ! mès djins, k’ c’ èst nôjichant
Tot ç’ k’ èst infôrmatike
Sôyant, tanant, arèdjant,
Èt l’ pire, èmacralant.

II

L’ djindjole a l’ diale è l’ capotine
Dji tèlèfone po l’ arindjî.
Po l’ mwince, i nos fôreut deux eures, wè
Kékfîye trwès eures po-z î rwétîwè
Tôrdjî one miète, on s’ va calmer
Lèyîme li timps di v’z-èspliker :

Dj’a ossi
Dji vos l’ dit
On vî MAC
K’ èst patrake ;
Mi PC
K’ èst djosté ;
On l’ pirate
A l’ va rade ;
Èt l’audio
K’ èst djodjo ;
On PIXEL
Ki chufèle
Mès gros dwègts
Bin trop spès ;
Dès VIRUS,
Mannètes puces.
On E-MAIL
Ki s’ comèle ;
Des CIRCUITS
Mô stitchîs ;
One loupiote
Ki clignote ;
Li DISKÈTE
Ki cakète ;
Li CLAVIER
S’ a djoké ;
Dins l’ système
N’ y a dès spènes ;
Nos sayans,
Nos tchictans ;
Li MENU
Mô foutu ;
Lès OCTETS
Bin trop spès ;
L’ AZERTY
Comachî ;
Po plu scrîre,
C’ èst co pire.

Ah ! mès djins, k’ c’ èst nôjichant
Tot ç’ k’ èst infôrmatike
Sôyant, tanant, arèdjant,
Èt l’ pire, èmacralant.

III

Dj’ a invité mamsèle Carole
À djouwer ô CIBERCAFÉ.
Èle mi dit dj’ in.me mia vosse djindjole,
Ça poureut sûr nos rapôjler.
Dji voureu bin, mins n’ y a one crole
Dji m’ va totesûte vos-èspliker.

Dj’a on MAC
K’ èst patrake ;
Mi PC
K’ èst djosté ;
Li PENTIUM
Sins calciom ;
V’ là l’ècran
K’ èst tot blanc ;
Lès polices
Dins l’ wachis′ ;
Li SCANNER
K’ a sès nièrs ;
Li mémwère
Sins èspwère ;
L’ DVD
K’’ èst skèté :
Lès finièsses,
K’ èles sont bièsses ;
L’ deur CD
K’ èst drâné ;
Po tchwèzu
Dji n’ waze pu ;
Lès coleurs,
Ké maleur !
V’ la l’ MODEM
Qui d’vint djène
Li graveu
D’mère tot seu
L’ MS-DOS
Rote à crosses
L’ USB
Tot sbaré
Li soris
Vore todi.
Dj’a ossi
Dji vos l’ dit
On vî MAC
K’ èst patrake ;
Mi PC
K’ èst djosté ;
On l’ pirate
A l’ va rade ;
Èt l’audio
K’ èst djodjo ;
On PIXEL
Ki chufèle
Mès gros dwègts
Bin trop spès ;
Dès VIRUS,
Mannètes puces.
On E-MAIL
Ki s’ comèle ;
Des CIRCUITS
Mô stitchîs ;
One loupiote
Ki clignote ;
Li DISKÈTE
Ki cakète ;
Li CLAVIER
S’ a djoké ;
Dins l’ système
N’ y a dès spènes
Nos sayans ;
Nos tchictans
Li MENU
Mô foutu ;
Lès OCTETS
Bin trop spès ;
L’ AZERTY
Comachî ;
Po plu scrîre
C’ èst co pire.

Ah ! mès djins, k’ c’ èst nôjichant
Tot ç’ k’ èst infôrmatike
Sôyant, tanant, arèdjant,
Èt l’ pire, èmacralant.

Ah ! mès djins, k’ c’ èst nôjichant
Tot ç’ k’ èst infôrmatike
Sôyant, pire : èmacralant
On n’ n’a dandjî portant.