Wai li djoû k' i monte å cir - Alelouya!
Et so l' trone i s' va-st ashir - Alelouya!
Li Bedot del redimpcion - Alelouya!
Monte å cir al Acinsion - Alelouya!
Après lu, li moirt est moite.
K' on rileve les viyès poites,
La k' il a l' victwere et l' pouxhe;
Po k' i mousse, drovoz les ouxhs!
Minme k' il est a droete do Pere,
I voet co voltî vosse tere,
Ashidou so s' bele tcheyire,
Et schoûter totes nos priyires.
I rglatixh come on grand Rwè,
Avou s' mwin, i fwait ene croes,
La do cir k' i nos benixh
Totes les djins e l' sinte Eglijhe.
Por nozôtes, i djåze å Pere,
La k' il a tos les pouvwers,
Et nos aprester ene plaece,
Po les flåwes et les stocaesses.
Vos, Signeur ki dmeure e cir,
Rimouwez nos cours di pire,
Et lzè rmete so vosse boune voye,
K' i våynuxhe å cir del djoye.
Avou vos ey avou l' Pere,
Rashonnés avou l' Sint Spér,
E vosse ringne, nos fjhoz monter,
Po tote ene eternité.
Wai li djoû k’ i monte å cir
ratournaedje da Georges Staelens
Wai li djoû k’ i monte å cir