Passer voste uch

Èn årtike di Wikisource.
Ciste ouve ci egzistêye eto divins ds ôtès ortografeyes : Rifondou walon.
Passer voste uch
Passer voste uch

 
Passer voste uch,
Vos doner m’ keûr,
Tot plin d’ doûceûr.

Roter èchone,
Vosse mwin dins l’ mène,
Sèrer nos-ouys.

Aler dwârmu,
Yèsse dins l’ min.me sondje,
Sins pont d’ dotance.

Vos-èstoz là
Tchanter nosse vôye,
Soyu qu’ tot va.

Danser èchone
Pwârté pa l’ vint
Jusqu’aus nuléyes.

Ratinde nosse naît
Èt si ça v’ plait
Passer noste uch !



Dj’a r’plôyî vos moussemints,
Bin r’nètîs dans l’ grande drèsse.
Tanawète avou m’ mwin,
I m’ faut qui dj’ lès carèsse.

Dins m’ pârfond, mès sov’nances
Si pièd’nut è dotances.
Èst ç’ qui dj’ vike on bwagne conte
Sèro dj’ co dins vosse monde ?

Rascrauwéye dins vosse tièsse,
Dji cache à vos l’ catchî…
Èt po n’ nin somadjî
Dji r’clô l’uch dè l’ grand drèsse.

Note Wikisourd

Siné: Maujeni po Monique