So l’ome, si dj’ va dire des vrèyes
C’est on p’tit pô po candji.
Mins vos autes feumes, dji v’s è prêye,
Hoûtez çou qu’ dji v’ va prêtchi.
Dji n’ vi qwîre nin misére,
Dji v’s’ inme bin trop po çoula
Dabôrd qui sèrîs gne so l’ tére
Si les feumes n’estîs nin là. (Bis)
Qué plaisir qwand on s’ marèye
Surtout po l’ cî qu’est tot seû
Dji m’ rappell’rè tote mi vèye
Li prumî djou dè grand djeu
Qwand tot çoula m’ rôle è l’ tiesse
Co cint fèy’s dji m’ dis tot bas
Qui nos vik’rîs come des biesses
Si les feumes n’estît nin là. (Bis)
N’est’ce nin co l’ feume qui nos r’bowe
Qui fait l’ manèdje, qui qu’ dût tot
Qwand n’s’avans n’ bâre qui s’alowe
N’est ce nin co lèye qu’èle rinawe co
Ou l’ zèt k’djâse d’hâre et d’hote
Mins mi dji v’ dirè tot plat
Qui nos courîs-t-à clicotes
Si les feumes n’estît nin là. (Bis)
Si v’ rintrez st-on pô pompète
A l’ vole on v’ vou mète dwèrmi
Adon po rire on v’ tourmète
On a bon di s’ fé displi.
Douc’mint onf tchouque è vosse banse
Qu’est-on bin don d’vins ses draps
N’ veurîs sovint l’ permanence
Si les feumes n’estît nin là. (Bis)
A l’ nut’ qwand on r’vint d’ l’ovrèdge
On djowe avou ses èfants
Tot avâ l’ tchambe on s’ kihètche
On s’ creureût come à vingt ans.
On est fîr di s’ creure li pére
Mins fât bin rik’nohe çoula
Qui n’ sèrit nin v’nou so l’ tére
Si les feumes n’estît nin là. (Bis)
Enfin, po fini m’ pasquèye
Mescheus, vos savez fwért bin
Qu’à bal ou bin âs swèréye
Sins l’ feume on n’s’amus’reut nin.
Dabîme, nin pus long qu’ torate
Qwand v’ vôrez fé vos treus pas
Vos f’rîs l’ mowe, qui l’ diale mi s’pate
Si les feumes n’estît nin là. (Bis)
