Cisse pådje ci a stî coridjeye ey est l’ minme ki l’ sicanaedje.
— 64 —
FORDJEU
Dimanoz, adon, dimanoz.
TONTON
Dj’ end aléve, dê, dj’ end aléve.
FORDJEU
Bén dimanoz co ene gote, sins çoula dji pinsrè k’ c’ est mi ki vs fwait sogne.
TONTON
Ô ! vos n’ estoz nén co vî assez po fé sogne.
FORDJEU (a Dadite)
Dji vs rapoite vosse live di måjhone, dji l’ a-st acwité.
DADITE
Et c’ est esprès k’ vos estoz vnou !
FORDJEU
Neni savoz dji passéve, dji va prinde on vere divant do dinner…
DADITE
C’ est çou k’ dji vou dire, rén n’ presséve !
FORDJEU
Volla.
DADITTE
Merci.
FORDJEU
Et dê ké novele ? Mi feme m’ a dit torade ki vos alîz eshonne amon Ruth ouy al nute. Est ç’ todi vraiy ?
DADITE
Dji n’ sai nén co, dji pinse k’ awè.
TONTON (a Dadite)
Tén ! vos n’ polîz må d’ m’ è rén dire !
