Pådje:Théophile Bovy - Li grandiveuse, 1899.djvu/rif/55

Èn årtike di Wikisource.
Aller à la navigation Aller à la recherche
Cisse pådje ci a stî coridjeye ey est l’ minme ki l’ sicanaedje.
— 55 —

TONTON

Bén c’ est sovint insi, loukîz, les omes ki sont trop bons. Cwand c’ est k’ i s’ måvlèt, i sont cint feyes pé k’ les ôtes !

DADITE (candjant d’ ton)

Et di cwè est çki vs amoenne don ?

TONTON (minme djeu)

Oho, vormint djel rovyive, et dji vs tén motoit cial so cou…

DADITE

Neni savoz… c’ est bon k’ dj’ a l’ dinner a-z apontyî…

TONTON

Dji n’ dimeurrè nén pus lontins… Dj’ esteu vnowe po vs dimander on ptit siervice…

DADITE

On siervice, di cwè est ç’ ?

TONTON

Ni mel rifuzroz vs nén… dji so cåzu djinnêye…

DADITE

Dimandez, mon Diu, dimandez !

TONTON

Mi feye mi fwait tourminter po k’ dji l’ emoenne ouy å concert amon Ruth, et m’ châle indou est divnou ene gote vî edon dispoy mi mariaedje ; dji vneu vey si kécfeye vos n’ mi vôrîz nén pruster l’ vosse po l’ shijhe ; dji sai k’ vos nel metoz pus… A propôs, dji vs a veyou torade avou vosse nouve vizite ; ele vis va bén savoz, vos estoz co come ene djonne cwand c’ est k’ on vs louke passer… N’ esteut ç’ nén avou madame Fordjeu ki vos rivnîz d’ messe ?