Cisse pådje ci a stî coridjeye ey est l’ minme ki l’ sicanaedje.
— 27 —
DADITE
Awè, vosse pere si rneteye, i va vni, nos magnrans tos eshonne.
EMILE
Dj’ a ouy ene fwin d’ leu !
DADITE
C’ est ene boune maladeye ; dji m’ va mete li tåve, puski c’ est insi. Dj’ a racomôdé l’ bouli avou ene gote des agnons. Est çki vs les inmez bén ?
EMILE
Vos l’ savoz bén edon. Tant pus tant mî.
DADITE
Ô ! end a tot plin.
EMILE
L’ afwaire est boune insi.
(Dadite sôrt a droete avou l’ posson al bire)
SINNE VII
EMILE
Boune mame ! Elle a des grandès idêyes e l’ tiesse, mins ele ratchtêye bén çoula pa si bon cour. Elle est tote continne d’ aveur on soper ki m’ ragostêye ! (schoûtant) Tins, i m’ shonne k’ on vént do bouxhî a l’ ouxh. (i va viè l’ poite, on bouxhe) Intrez. (i va drovi, Meliye intere avou ene pitite banse di gravaedje)
SINNE VIII
EMILE — MELIYE
MELIYE
Pout on bén intrer ?
EMILE
Sint-Pire a les clés.
