Cisse pådje ci a stî coridjeye ey est l’ minme ki l’ sicanaedje.
— 17 —
GÅRNIR
(fijhant come po plorer)
Dadite, vos nd alez ! Adon dji m’ endè va ossu. C’ est por vos k’ dji dmonéve !
POREA
Vos deus ! vos vs apougnrez on djoû.
GÅRNIR
Neni, dji n’ mi vôreu nén bate avou Dadite, dj’ åreu li dzo.
DADITE (meprijhante)
C’ est bon des djins come vos ki s’ batèt.
GÅRNIR (mokeus)
C’est sûr, madame Porai, des genses comme vous ne poulet mal dè s’faire rêmarquer. Vous n’êtes pas si peu d’chose què ça. Sè batte, c’est bon pour les p’titès genses, les crapuleux, les rien n’vaut ; on sait bien tout avâ l’Vinâve que vous êtes trop grandiveûse pour vous disputer sur la pavée !
DADITE
Dji cour evoye dji n’ vis såreu oyî pus lontins…
(elle sôrt pol droete)
SINNE IV
POREA — GÅRNIR
GÅRNIR (riyant)
Dji n’ sai vormint kimint k’ vosse feme ni m’ a nén co tapé a l’ ouxh.
POREA (minme djeu)
Vos iroz seur on djoû !
