Hâye, Babete vinez.
Vinez d’zo les âbes dè buskèdje.
Nos ètindrans gruziner
Les ouhê riv’nou d’ vôyèdje.
Is tchantet l’amour,
Hâye, is tchantront por vos, Babete,
Por vos, si mamêye, si djôliete,
Ah ! vinez â radjoûr.
Oh ! come li prétimps est bê,
Vêyez-v’ li cîr sins nulêye.
Oyez-v’ dédja tchanter l’ouhê
Qu’el fait ciètes par vos, dai binamêye.
Dizo les âbes, diseulés,
Nos deus coûrs sèront à l’fiesse,
Et les ouhês tchantront sins cesse,
Binâhes qui sont di nos vêy’ inmer.
Vèyez-v’ tot nos rêy’,
Avâ l’pré come avâ l’djouhîre
Li p’tite mâgriete sorêy’
Ax vetès croles del fetchîre.
Adon l’clawsonî
Si raverdih’ por vos, Babete,
Por vos, si mamêye, si djoliete,
Ah ! vinez sins târdjî.
Fleûrs, ouhês riyet.
Li solo hène co méy’ loukrotes,
Qu’les vetès ramayes tam’het
D’vins les pazês wice qu’on rote.
Dihez, bê prétimps
Durez djourmây’ po mi p’tite Babete
Por lêye, si mamêye, si djoliete,
Durez, durez tot l’timps.
