1. Dj'ê seû l' francès, dj' n'avos pont d'âdje. Dj' ê chamârdè l'anglais, l'arabe, Dès-ôtes lingadjes, dès p'tits causadjes; Dj' conu ostant d' pârlers quu l' pâpe. Dj'ê fwêt l' bokion, dj'ê stî m'neûjî; Dj'ê rakeûdu dès bièsses, dès djins; Dj' ê pwârtè aus satch o guèrni ; Dj 'ê stî profèsseûr di latin.
2. Dj' ê mougnè avu dès minisses ; Dj'ê reûpè quand dj'astos r'pachè. Mês dj'ê coûtchè dins dès siglisses; Mu crochon d' pwin î è tchamossè. Dj 'ê yu dès fèmes do tos costès, Dès nwâres, dès blantches, dès caboléyes ; Ça m' fijot do mau d' lès r'voyè, Mins l'oline voye n'èst nin loyéye.
3. Dj'ê pèrlinè à Fatima, Dj'ê dit mès priyéres à Allah Èt dj'ê min.me creû o Nirvâna. Dj'ê lî lès prêtchadjes du Boudha, Dj'ê choûtè dès sincieûs, dès mêsses, Dès vis baurbus rèplis d'idéyes. Tot ç' qu'è seû moussi dins ma tiasse, Dj' pu l' ratchè foû pa p'tites piçayes.(2)
4. Dju su ène pôve oline tote seûle, Todi au lon, fwârt au lon, voye. Dj' rîrê à m' viadje si dj' ê l' timps long: Quî qu' c 'èst qu 'î causerè co walon ? Dju su ène pôve oline fine seûle ; Quand dj'î r's'rê, dj' vôrê n-unn' èsse voye, Ca po li p'tite oline mièrseûle, Faut todi-z-èsse fwârt au lon voye.
(1) Titre original: L'ouline vôye. (2) Tiêsse et picêyes en wallon de Transinne.
147
