Cisse pådje ci a stî coridjeye ey est l’ minme ki l’ sicanaedje.
Del nut kwan l’tambour lè houkret
Ou l’clok di kék’ èglise
Tott li Gâr Civique si livret
Po alé fé l’ service
È si mâk onk’ dè bataillon
La faridondaine la faridondon
I sèrèt sévèrmin puni
Birbi
À la façon de Barbari mon ami.
I pou arivé k’il tambour
Ni dispiètret personne
Et ki fârèt fâte di secour
Leyi broulé n’mohone
K’on lè mett a contribution
La faridondaine la faridondon
Po payi souki ârèt pèri
Biribi
À la façon de Barbari mon ami.
Ji kreu k’ gna on mweyin fameu
C’et d’lè prév’ni d’avance
Ki l’ jou di d’vant ki gnârèt l’feu
K’ seyiesse al’ permanence
Avou leû seiyai ratindront
La faridondaine la faridondon
Jusk’a tan kon vinss lè houki
Biribi
À la façon de Barbari mon ami.
