Cisse pådje ci a stî coridjeye ey est l’ minme ki l’ sicanaedje.
BISTOKE Å LIJHEU
Po l’ ci ki scrît ’ne sacwè, on croet k’ il est d’ uzaedje,
Ki prezinte rade ès live, a on hôt persounaedje,
Avou des côps d’ tchapeas, do brut, et do flafla,
Dj’ croes totes les djins ewales ! I gn a nén d’ ebaras,
Ki dj’ feye droci ostant d’ ramadjes,
Ç’ live ci c’ est po tertos, come les oûs do påscaedje,
Ou, çki tchait dins l’ panî, å tins d’ Sint-Nicolai,
L’ ci k’ ça lyi frè plaijhi m’ lirè !
Dj’ a scrî pol bén d’ tertos, sins esbroufe, sins vantreye,
Dj’ n’ a cachî k’ ene sacwè : vos fé rire ene boutcheye,
E djhant des verités, mins, a môde di biestreye.
