Pådje:Joseph Kinable - Les crostillons, 1889.djvu/51

(45)

I mostra… qu’il esteut ine homme.

I voreut qui l’ pus vî d’ses deux fi freut ses pâque,
Il va bin vite avu doze ans,
L’aute è n’n’a qwate à pône. Donc on bai joù l’grand Jâcque
Si rind avou ses deux èfant
A mon l’ curé. Cichal qu’esteut jusse è s’ mohonne
Araine li grand valet, l’ questionne ;
Mais so tot çou qu’i d’mande, i n’ pout rin obtini.
Qui s’mostureu fir don té fi ?
Jâcque è nn’est tot bablou, li curé l’ahonteie
D’hant n’avu rin vèiou d’ pareie ;
On grand valet d’ doze ans qui n’ sé co rin du tout
— Ji wage, disst-ti, tot çou qu’on vout
Qui çi ptit cârpai là, sins esse pus haut qu’ine botte,
Aret lu, li response à tote
Les questions qui j’ li fret, rattindez, vos l’ veurez,
I sèret pu malin qui s’ fré.
— Allons, mi ptit valet, ji v’va questionner comme
Lu, mostrez qu’vos estez st’ ine homme.
Ossi vite nost èfant rilèva s’ long jagau
Et d’ précauchon l’ rilêva haut
— Vola mocheu l’ curé, diss-t-i, sins s’geînner n’ miette…
I mostréve si ptite clarinette.