Pådje:Joseph Kinable - Les crostillons, 1889.djvu/16

Èn årtike di Wikisource.
Cisse pådje ci a stî coridjeye ey est l’ minme ki l’ sicanaedje.
(10)
Li spot da Mareie.

C’est bin ènoceinn’mint qu’en appliquant on spot,
On dit quéqu’ feie on foirt laid mot.
On curé régaléve, c’esteut po l’ joû di s’ fiesse,
Treus si c’ n’est nin qwatte jônnes priesse ;
Les plat avît rôlé, l’ diner sèchîve so s’ fin,
On aveut bu dè clapant vin.
Li gènèreu curé, si preune esteut d’ja foite,
Dimande co n’ boteie, on l’appoite.
C’esteut li p’tite Mareie, n’iaveut rin d’ pus nosé,
Qui chervéve çou qu’esteut k’mandé.
— Allons li dit s’ bon maisse, rattindez, jônne crapaute,
V’ beurez st’on verre avou nos aute.
L’ bâcelle sins s’ fer prïi, prind l’ hennat et l’ boute fou
— On s’ laireut voltî batte à s’ cou
Tant qu’on vôreut, diss t-elle, po nn’è beure dè pareie.
Kimint trovez-ve li spot d’ Mareie ?