Cisse pådje ci a stî acertinêye pa deus contribouweus.
— 29 —
MI P’TIT BOUNAME !
Air : Je suis caline
1
J’a s’posé li p’tit Gilles Moflasse,
Li pus nozé qu’seuye kinohou ;
Vormint comme si l’bon Diu l’volasse
Onk po l’aute nos éstans crèhou.
Il a fleur di bon caractére,
I grouinzèye, i rèye todis,
Nos polans bin dîre qui so l’térre
Essonle nos avans l’paradis.
Respleu
Mi p’tit bouname
Por lu m’cour blamme !
I n’ârè mâye nolu
Qui m’plairè st-ottant qu’lu.
Mi p’tit bouname,
Por lu m’cour blamme !
Mi nozé,
Binamé,
Oh ! comme il est ainmé !
2
Dismèttant qui j’l’a po k’pagnèye
J’a l’dada di tos mes sohais,
Ca ji v’pous dîre qui j’sos sognèye
Fi parêye qui les p’tits ouhais.
I n’mi mâque nin minme ine attèche,
Et s’il arrivéve qui j’geairreus
Pawou di m’vèyî mette ine têche,
J’âreus foû d’lu çou qu’ji vôreus.
