Cisse pådje ci a stî acertinêye pa deus contribouweus.
— 25 —
Elle a n’si grosse voêx
Po braire ses borais d’boès
Qu’elle va vinde avâ l’vèye
Qui por lèye
Comme à s’cours
Tot l’monde accourt !
4
Elle a des bais ch’vèx
Rossai comme ji n’sés quoè
Min ’ll’ est on pau lusquette,
S’narène vât, ji creus,
Li cisse d’à Popôl deux,
Et-z-a-t-elle des choufflettes
Si crâsses et qu’toumet
Qu’on n’è freut deux bons mets
Sins abimer s’visège.
Elle a s’chège
Dè poèrter
S’coérps tot bodé !
5
Ses hanches sont vormint
Comme des p’tits batumints
Et les michots d’ses bresses
Sont bin, j’el wag’reus
Comme les cix dà Lhôneux
Qu’est pus p’tit qu’leie d’ine tiesse.
J’el voreu hanter
Mins j’sos todis r’bouté
Ca ’ll’ hante li boègne Macasse
On bonnasse
Qu’è tot timps
Fait l’marchand d’chins !
