LI PAN DE BON DIU 34 XIII. 350 355 Li tchèsson
Sol pindêye qui monne å viyèdje, ine longue tchèrète podrî deûs dj'vås monte, tot fant hil'ter sès fèrayes so l'aîr qui lès rudions tchantèt. In-ome, lès deûs mains d'vins sès potches, lès sût so li drî tot huflant : c'èst l' tchèsson qui tchèsse lès moûnêyes â vî molin di d'vins lès fonds.
Si longue corîhe pind d'lé s'mûsète ; mins co måy i n' s'è deût chèrvi. Ossu, loukîz sès bravès bièsses avou qué corèdje èles sètchèt, la, tot gripant 'ne si-faîte gridjète ! Tot l' minme, vo-lès-chal è viyèdje. L'ome si mèt' al tièsse di s' bayàrd, prind s' corîhe èt, rimpli d'èhowe, i clape, tant-a dire : « Dji so la! » Èt lès-ouh si tapèt-st-å lådje : chal, c'est po v'ni r'qwèri 1' moûnêye, la, po 'nn' abouter 'ne aute a moûre. Ritche ou pauve, tot l' monde a s' sètchêye, onk di si-awout, l'aute di s' mèhon ; èt, pidjote à midjote, di måhîre à måhîre, li tchèrète si vûde chal po s'aler r'tchèrdjî la.
Sol pindêye qui monne å viyèdje, ine tchèrète èt deûs dj'vås d'hindèt : c'est l' tchèsson qui tchèsse lès moûnêyes å vî molin di d'vins lès fonds.
XIV. Li ri
Li p'tit ri, tot cråmignonant å-d'-triviès dès prés mayetés d' fleurs, broke oute di tot, come on djonne polain qu'est d'lahî. Ine rotche li djinne : rade i l'ascohe èt, tot samant, plonke èl basse gofe qui l' treûte riqwîrt
