Assî-t-on pau, et s’ nos l’ raconte ;
Riprind ti halein’ ; li cour ti monte ;
I d’falih’, toi charna Pirson !
Jett’ lî dè vinaike ès grognon.
Ci n’ sieret rin ; sus, prinds corège ;
Li coleûr lî r’ vint ès visège.
Kimint ! sonk loïal de Gaspar,
Ni sé-s’ à pârlé d’ Salazar ?
Qu’a vinou sorprind’ les flaminds
Ainsi qui fit Diet â jardin
Ci Judas qu’ el vina bâhî
Men i fout pîni di s’ pèchî ;
I s’alli pinde à on saou.
Salazar el pout fé, s’i vout,
Ou si lu mainm’ n’ el vout nin fé,
I n’y a ico des maisse assez.
Ji v’s enn’ asseur’ qu’ on z-ès trouvreût
Qui frin l’offic’ pus qu’on n’ voireût ;
Sor Diet ; so mi âm’, si ji n’ voiro
Bin fé l’office atot m’ sârot ;
Po r’vingî mes pauv’ camarâde
Il areût si dierainn’ salâde.
Kimint a tot av’ nou ? dis, va :
Sus, racont’ nos l’ ainsi qu’i va.
