Cisse pådje ci n’ a nén stî coridjeye a cåze d’ ene rujhe discrîte sol pådje di copene.
LI HOULO (1)
CHAPITRE I.
Çou qu’esteut Jus-d'là-Moûse et çou qu’il est div’nou.
Li ci qui va fer n’ porminâde dè costé d’ Jus-d'là-Moûse, qu’i prinse po l’ Noû-Pont, li Pass’relle, li Pont d’ z’Aches ou l’ Pont Maghin, sèreut bin èwaré s’i r’veyéve li qwârtî çou qu’il esteut i gn’a n’ cinquantaine d’annaies di cial.
Li Pont d’ z’Aches, batti comme les reins d’on markou è colére, esteut li seûle vôïe qu’y k’dûhéve ; les rowes Châsseie-des-Prés, Puss-è-Sock et Inte-deux-Ponts, què l’ côpet hik et hak è deux so tote si longueur, estît, mâgré ses mohones neurâtes et foû s’kwére, les pus belles di vers là.
-
(1) Li dierrain des èfans ou d’ine covaie si nomme Koulo, mais j’ôs si sovint dire li Houlo, qui ji clinche po cicial.
