Cisse pådje ci a stî coridjeye ey est l’ minme ki l’ sicanaedje.
— 9 —
Bertine
Sia, èdon voux-j’ dire. Deux si v’volez.
Li Voèsène
Avez-v’ dè papî chal?… Fât-i n’n’aller qwerri ?…
Bertine
Nos avans çou qu’i nos fât chal, voèsène, i n’vât nin les pônes di v’dèringî. (elle va ès ridan d’l’ârmâ, y prind n’foïe di papî, ine èwalpeure — enveloppe — et n’penne et vint s’assir à l’tâve. Li scriftôr est d’moré so l’tâve dispoïe li moumint qu’elle a mettou d’l’inche so l’main dè l’voèsène) Assiez-v’ là, vos m’dicteierez.
Li Voèsène (s’assiant, dicteie)
» Mon chéri,
« Je mets la main à la plume… Vos rèpèt’rez li dièrain mot chaque feie, adon ji porsûrè.
Bertine
C’est çà. À la plume…
Li Voèsène
Pour t’écrire ces quelques mots de lettre…
Bertine
De lettre…
Li Voèsène
Pour te faire savoir que je suis en bonne santé…
