Pådje:Antoine Bouhon - Les deux maisses d’armes, 1896.djvu/23

Èn årtike di Wikisource.
Aller à la navigation Aller à la recherche
Cisse pådje ci a stî acertinêye pa deus contribouweus.
— 23 —

COLAS a pârt

On foute li flamint a l’ouhe çoula n’va nin co d’si mâx. (haut). Mathî i m’fâreus prinde mèseure po des solés mins ; i m’fâ n’saqwet d’bai. comme po z’aller a on mariège.

MATHI

Kimint Colas, vi z’allev’ mette li coëtte ès busait. Loucqui bin çou qu’vos fez, ca les feumm’reies… J’enn’es sé n’saqwet.

COLAS riant

Ji n’mi mareie nin Mathi… mins on n’sé çou qu’pou st’arrivé et puis on n’a des camarâdes quel polai fer.

CATHRÈNE

La ! vole Colas.

COLAS

Tint vola l’belle Cathrène, kimint v’s vas-ti.

CATHRÈNE

Todis l’mînme po n’nin kwandji.

COLAS

Awet todis pus amoureuse qui malâde.

CATHRÈNE

C’est çoula mînme.

MATHI

Vudi l’gotte Cathrène, ça vâ mîx qu’dè tant jâser. E vos Colas beurez-v’s bin n’pitite avou.

COLAS

Ji n’a mâïe rèfuser l’baptème (bas à Cathrène). L’affaire est faite, Joseph a trové s’mônonck et d’on momint à l’aute i vont v’ni.