Oteur copene:Joël Thiry
Dji lyi a scrît çouci:
Tot djåzant d' Wikisourd (la ki l' rashonnaedje si fwait), c' est ene novele coine des waibes Wikipedia ki Julian Casters a-st enondé lanawaire.
On î pout mete tos les scrijhaedjes e walon ki sont foû abondroets (scrijheu moirt dispu 70 ans et co hay) u adon ki li scrijheu u ses zwers dinexhe leu-z åjhmince (pa emile u so papî, avou on fôrmulaire classike).
Vola çou k' ça dene po metans on roman da Jacques Desmet (k' a dné les droets po tos ses scrijhaedjes):
Dëscomèladje_d’on_nwêr_poyon,_fou_sqwaire
Si vos av l' ocåzion d' endè djåzer avou des scrijheus ki vikèt co u avou des eritîs di scrijheus ki sont moirts, i m' shonne ki c' est on bon moyén di "mete di costé" - et leyî lére pa tertos - des ouves ki trinnèt dins des bibiotekes u dins des caisses di lives.
Et eto di les leyî rtravayî, come par egzimpe les scrijhaedjes da Louis Piron, k' estént scrît avou ene "ortografeye espontanêye".
Si vos vloz "sayî l' cayet", on l' pout fé avou ene di vos noveles di "doze femes". Adon, i vos fåt evoyî ene permission come li ci k' est atelêye cial.
Dji vos a apresté ene pådje d' oteur (mins sins obligåcion).