Li ptit rodje-gozî

Èn årtike di Wikisource.
Aller à la navigation Aller à la recherche
Emojione 270F.svg Ciste ouve ci egzistêye eto divins ds ôtès ortografeyes : papîscrît (ortografeye espontanêye).
Li ptit rodje-gozî
inte 1982 et 1985
Li ptit rodje-gozî

Å matén cwand dji rwaite al finiesse,
dji n' voe pupont d' lård, ni d' coyene.
C' est on ptit moxhon, c' est ene pôve pitite biesse
k' a schafiyî tot, ki n' a leyî k' sacwantes polenes.

Il est la, tot racrapoté, ki ratind a magnî.
Vos n' m' croeroz nén, mins ci n' est k' on ptit rodje-gozî.

I pestele, i pestele, come po mel dimander.
Dji m' î va tot d' shute; dji n' pou må d' manker.
Lyi poirter si ddjuner et rimpli s' potiket.
I tchipele sins låtchî, pask' il è surmint fwin et soe.
I vole d' ene coxhe so l' ôte, sol rôzî, sol påkî;
vormint come po m' vleur dire ki dji n' l' a nén rovyî.

Li binde di såverdeas, et co pire les måvis
el cotchesnut tot l' tins; end ont todi a lu.[1]
I l' shuvnut tos costés; lu n' sait pus ou dårer.
Po mostrer k' i s' fout d' zels. I vont esse atrapés.

I plonke dins zels tertos et nosse pôve pitite biesse,
pal trô ki dji li a fwait, rimousse tot shûte e s' boesse.

K' i gn åye des nive u del glaece,
dji li aprestêye si plaece.

K' i n' si fwaixhe djamåy prinde on djoû bén mågré lu.
Paski, s' i n' a pus k' mi, po dmorer vaici,[2]

ki l' ivier soye radmint passé avou ses laids bokets,
po k' i rcomince a rivni tchanter ses beas ptits coplets !



Note Wikisourd

Eplaidî aprume so l' Aberteke (e 2006); ene miete ricoridjî vaici.

Pî-notes[candjî]

  1. Mwaisse modêye: rimaedje mauvis / li.
  2. Mwaisse modêye: rimaedje li / vaici.