Li potcha et l’ copixhe

Èn årtike di Wikisource.
Aller à la navigation Aller à la recherche
Jean de Lafontaine
Li potcha et l’ copixhe
ratournaedje da Lucien Mahin
2020

Li potcha, k’ aveut tchanté
Tot l’ esté
Si rtrova felmint må pris
Cwand l’ nive rascovra l’ payis

N’ aveut pupont d’ amindjî
Ni dins l’ cåve, ni sol gurnî.

Ala bediver ene crosse
Addé l’ copixhe k’ est pice-crosse.

« Å bontins, ça, dji vos l’ djeure,
Cwand dj’ î spiyreu mes djonteures,
Dji cherbinrè, dai, toltins,
Po vs rinde vos mitches e-n on pwin. »

Nosse copixhe k’ end a ddja s’ sô
Des pîlaedjes di l’ ôte grand fô
Trouve on spot, po li rplaker,
Ki dmeurrè dins les cayés.

« Cwè çki vos fjhîz, å solea,
Cwand dj’ rimplixheu mes saeyeas
Di bounès grinnes di tote cogne
Po k’ del froedeur dji n’ åye sogne ? »

« Bén dji tchantéve nute et djoû,
Tot rôbalant l’ payis foû. »

« Vo vs la bén crås d’ vos tchansons !
Ouy, petez on rigodon ! »