I.
Tot doûs, tot doûs, li rî-sâhon
S' awale abèye di tos costîs.
Èt l' êr ritoune come on vôtchon
Sès longs ârvèy âs djoûrs d' èstî.
Rèspleû 1
On vî âb tchante, l' oyoz-v' avou: hou, hou, hou, hou !
So l' fôrîre do bwès là-hôt: hou, hou, hou, hou !
II.
Mins tot d'on côp, on-z-ôt â lon,
Brâmint dèzôtes pèneûs rîmês,
Adon k' lès bièsses odèt l' guignon
Èt ki l' biche èt s' faon s' ènèrèt !
Rèspleû 2
Li vî âb tronle, l' oyoz-v' avou: hou, hou, hou, hou !
So l' fôrîre do bwès là-hôt: hou, hou, hou, hou !
III.
On vî dî-côrs si sint bin seû
A wèrandi l' tropê d' sès djins,
Èt kwand i s' veût mori tot seû,
I rvint twèzî lès hargneûs tchins !
Rèspleû 3
Li dî-côrs brâme, l' oyoz-v' avou: hou, hou,hou,hou !
So l' fôrîre do bwès, là-hôt: hou, hou, hou, hou !
IV.
L' tchêne èt l' oûhê, o l' êr trop frisse,
Pleurèt, sins r'la, leû fîr copleû.
A n' nin wèzeûr monstrî leû hisse,
Gn' a k' lès pikeûrs èt kékès leûps !
Rèspleû 4
Li vî âb' tchoûle, l' oyoz-v' avou: hou, hou, hou, hou !
So l' fôrîre do bwès, là-hôt: hou, hou, hou, hou !
Redjårbaedje d' ene tchanson e francès da Théodore Botrel (1868-1925) (cåzaedje) eyet Albert Larrieu (1872-1925) (muzike); sicrît a pårti d' ene ôte modêye parexhowe sol « Coutcouloudjoû ».