Li cariyon dè palâs

Èn årtike di Wikisource.
Aller à la navigation Aller à la recherche
Emojione 270F.svg Ciste ouve ci egzistêye eto divins ds ôtès ortografeyes : Mwaisse modêye - Rifondou walon.
Li cariyon dè palâs
diviè 1900
Li cariyon dè palâs

I
Ci n'est nin ciète in-adjèyant
Qu'a l'êr dè twèzer lès nûlèyes,
Neni, mins cwand i trèbolèye
Il a dès sacwès d'assètchant.
Vos dîrîz 'ne fâbite è s' prih'nîre
Qui gruzinèye dès êrs crustins.
Et l' doûce rimimbrance di s' djône timps
Fêt halcoter 'ne lâme âs pâpîres.

Rèspleû

È vosse clokî clokî d'saint Nicolèy,
Mamé cariyon mamé cariyon,
Po fièstî l' glwére, li glwére dèl Walon'rèye,
Gruzinez 'ne tchanson, gruzinez 'ne tchanson
Gruzinez 'ne tchanson, Mamé cariyon.
 
II.

Dispôy todi, nosse cariyon tribole
Lès eûres qui Diew nos compte.
Et sins fé lès cwanses, i raconte
L'istwére di nos vîs ratayons
Tot avâ lès teûts d'nos mohones
I lèt gloter si p'tite grèye vwès
Et l' glwére dès valureûs Lidjwès
Si rapinse chaque fèye qui l'eûre sone.

å respleû

III.
Lès nouks qui nos avans passé
Ont rindou s' loquince pus pâhûle.
A c't-eûre, i tchante dès êrs tinrûles
Al mémwère di nos trépassés.
Nosse vîle tére a tant stu d'son.n'tèye
Qu' i n' pout rouvî lès fîrs Walons.
Et dèl nut' avou leûs âbions,
Vos dîrîz vèy qui cak'tèye.

å respleû

(djåsé)
 
Ah, dji v's-inme lingadje di m'patrèye,
Vî walon hossî mès orèyes
Disqu'â dièrin djoû di m'vèye.