Colin Badou
Dj' a l’ cour crevé, si[1] l' sonk e låmes,
Cwand dji pinse a ces pôvès femes,
Ces payizans di nosse payis
Ki Salazår a fwait mori.
Kî a djamåy veyou e s' veye
Fé ene ossu grande tiraneye ?
O doûs binamé Signeur Diè,
Et vos, amor di sint Lambiet,
Edurrè-t i co vosse pacyince
Sins pûni cisse metchante simince,
Ki fwait mori les bons crustins
Ki djamåy ni lyi fijhît rén ?
Divins li prôpe peneuse samwinne,
Å tins ki l' Bon Diè a fwait l’ cinne,
K’ on n’ doet fé ôte tchoi k’ oraizons
Et k' i fåt pinser al passion
Do doûs Djezus, fé penitince
Po-z aveur pardon d’ nos ofinses,
K' i nos fåt aler a cfession
Et riçure li sinte Comunion,
On cwårt avant l’ målawoureus
A vnou come èn araedjî leu
Massacrer ces pôves enocins,
Et piyî tot çou k' il avént.
O doûs Signeur di paradis,
Ni merite-t i nén d' esse pûni ?
