Les oujheas

Èn årtike di Wikisource.
Aller à la navigation Aller à la recherche
Emojione 270F.svg Ciste ouve ci egzistêye eto divins ds ôtès ortografeyes : Feller.
Les oujheas
2021
Les oujheas
Dji poirtéve e djårdén des resses po m' tchet.

Il est si télmint glot k' i fjheut acori tos les moxhons do vijhnaedje. Dji rloukive deus d' ces-cial ki discutént eshonne. Onk dijheut-st a l' ôte: « Tchofile, louke on pô s' i n' vént nou tchet, dji m' va rade magnî on boket". L' ôte responda:" dispaitche tu ! Mi ossu, dj' a fwin ».

C' esteût gaiy a vey. Li prumî apiça-st ene betcheye pu, rouf so l' åbe ! Pu l' deujhinme fijha parey et i rshinmît leus betchs, gonflît leus plomes, pu fjhît etinde leus xhuflaedjes di contintmint.

Bijou, nosse tchet, esteut coûtchî å solo, avou ene pate so l' ouy.

Il est si télmint nawe k' i n' si disrindje nén po si pô d' tchoi. Dji m' dimande s' i courreut co po ene sori.
Note Wikissourd
scrît avou Jeanne Rocoux, li 20 di fevrî