Dôrmèz, m' colau, dins vo p'tit lit.
(…)
A tous les momints, on z-èst qu'on vèye :
Dèl gnût, du djoû, d' peû qu'i s' rèvèye,
On z-èst-au posse, achî d'lé li.
Tout long stindu dins ses blancs draps,
I-gn-a pou crwère vîr ène poupène
Qu'a sti mètûwe dins-n-ène platène
El djoû du grand Saint-Nicolas.
Efardèlè dins ses dintèles,
Pou sawè fé co pus djoli,
Nos avons m'tu des nϞds plissis
Tout a l'intoûr di ses machèles.
Pou noûri les djonnes des mouchons,
I meûrit des grains d'dins l' nature.
Pour vous, m' colau, vo nouriture
C' s'ra du lachat dins-n-in bubron.
On l' d-ira qué d'lé l' vîye Mayane :
On n' vos l' don'ra nén batiji.
Pou bén sawè vos rafraichi,
Gn-aura toudi dèl boune tisane.
(…)
Dins vo p'tit lit, dôrmèz m' colau,
Pace qui les pwènes ni sont nén tères
Qu'en grandichant on a su tère.
Surtout quand on n'èst nén fichaut.
Li powinme est dicåçté «A m'pètit n'veû».
eplaidî dins 270 sicrijheus p. 66.
Barry a dandjreus rsaetchî des passaedjes, marqués (…)