L'Corona s'achîd dsu l'tièsse
Di branmint d'feumes, d' omes,
Di d'là, i spaud sès ptitès bièsses
Èt rîre di nos, li nin bolome !
I s'muche au mitan dès botes
Ki, foû do nos gueûyes volenut dins l'êr
Kand nos stièrnichans, bèrdèlans. Foles,
Èles î dimèrenut, d'mwêje kére !
Lès botes autoû d'nos, flotenut on tins
Èt si stinde, di nèlu vèyeuwes,
Autoû d'nos po n'nin fé do bin
A kî passe adié, autoû, dins l'reuwe.
Èles intèrenut dins l'néz,
Èles si piakenut dsu lès mwins,
Auddins dès poûmons volenut ariver
Po nos stron.ner au pus râdmint.
Oyèz-vos ahaner vos poûmons ?
Trop taurd po priyî èt djèmi !
Vos duvîz dmèrer rèssèré po d'bon,
Vos duvîz ratinde k'ça fuchisse fini.
Ka il èst là èt rèche dès bokes,
Spritche èt si spaude dins l'êr,
Ci man.nésté d'virus. Lès clokes
Vont-èles è soner vost` ètèrmint ? Brêre ?
Trop taurd, pont d'maske à nos doner !
Nos duvîne è nn'awè, dès plins stocks.
Mins volà, roler dès crotes di néz
Ça occupe, sins tûzer, on tape foû, on bloke.
Sicrît li 16 di may. Li dierin hagnon rahouke dandjreus on·ene responsåve ki s' gretéve li nez et rôler les crotes, sins sawè k' i·elle esteut film·é·êye pol tévé.