Dji n’ sé si dji seû co di s’ monde ci…
Mi tièsse a bouchâdje dès côps d’ canons qui triya’nut mès-orayes.
Dji barlondje mès vint-ans a l’bîje di misére qu’amwin.ne li mwârt.
Li plouve divént sang tchèyant d’ssus lès-âbes distchôrnès.
Tout-è labourè, rèmoulu, spiyî.
Eyèt ça choufèle, ça skète, ça bouche !
Tafèt’mint l’ orâdje, li brût èst pa t’ t-avô…
Lès sclats d’obus zigonzès’nut come dès-alumwêres.
Dj’é peû,
C’èst l’infiêr !
Ca n’ bouche pus…
Sabayî qui l’ lum’rote qu’èst pa d’vant mi r’tchôf’ra mès-ochas ?
Ô lon dji vwè m’ maman
R’fachant in djambot qui rît ôs-andjes.
Qué brût !
Ca r’beûle !
Dj’avance co deûs pîds…
Dj’é tchôd
C’èst l’ campagne
L’awous′ di mès boûneûrs brûle mi keûr
Tèrmètant qu’ lès tchamps s’astamp’nut dins li stwèlî
Lès fleûrs di tonwêre dans’nut mi pôve djon.nèsse.
Dji clôs lès-îs…
Nwêr.
Siné : Cabu…, avou radjoutaedje : An-omâdje à nos combatants di quatôze dîj wuit′