(prononçaedje espontané)
Georges Vigneron, spoté Jojo : In côp, dj’astè a Lîdje. Dj’avè mwin.né des pîces. A Lîdje. Les Aceks (ACEC). Dj’avè mwin.né des… comint… des foûrs a induccion k’ astènt bons a rèparè. Èt les Lîdjeûs, i rèparènt les… (ces foûrs la). Dji tché au concierje. Il astèt cink eûres al nét. Èt dj’ avè vnu d’ vêci a Lîdje sol nîve, hin. I gn avèt pont d’ ôtoroute adon. Alôr vo m’ la arivè aus Aceks di Lîdje – i ‘nn’ avèt a Charlërwè, ossi, mês la, ç’astèt a Lîdje.
Alôr, dj’avè in nomé Jâcmin, hin. Dji di au concierje : « Dijoz ! Vos n’ pôrîz nin m’ aplè ç’ brâve ome la ? Paski c’est li ki s’ocupe di nos canistias, la, a rèparè. Dji fê partîe d’ Trèfimètau, ène ûzine di cwîve dou costé d’ Djivet. »
Èt alôr : « Obén, i gn è rin avu ça. Dji va l’aplè, Jâcmin, hin. » (Nin an walon, an francès. Paski, mi, dj’ cauzè an francès, avu, hin. Avu zels, an francès. Mês la, dj’el di an walon.)
Alôr… ène dimèye eûre… dji wête l’eûre. Todi rin !
« Gn a nin moyin di rsonè ène miète li Jâcmin ? »
« O ! sia ! On va rsayî, hin… on va rsayî. » k’i m’ ruspond, alôr, ètou.
Èt pi, alôr, ène eûre… ène eûre. Dji di : « Choûtoz bin ! » dj’ di, hin. « Choûtoz bin. Dji vin d’ vous atinde dîre ène tchôze ki djè n’ ratèrrè nin audjourdu a Djivet ; ki dji pasrè l’ nét vêci. Èbin la! choûtoz bin, dji di, hin ; dji va prinde les inducteûs, dji va les mète a l’uch. Mins dimwin, gn ènn’ a k’atindront cauzè dou payis. Ça va bin ?
«Dûvint ?! In Francès ki cause li walon ! »
« Vèyèz k’ vos… » dji di. Alôr, gn a ink k’avèt l’ brès côpè ; l’ôte ç’astèt ène djambe. Ç’astèt des djins k’astènt la po fé leû… hin.
« Il a bau fè, l’ Francès, dit-i. I pasrè l’ nét vêci. I n’ ritoûnrè nin audjourdu. »
Adon, asteure, dji di : « on n’ djoûwe pus, hin… » La, dj’é cmincî a… Adon, mi… I n’ savint pus oû s’ mète.
Dimandeu : Il ont hoûkî les…
Jojo : Dji l’é yeû. Dji l’é yeû. Paski dji di : « dji va mète… Èt gn ènn’ a k’atindront cauzè dou payis, paski l’ pére Jâcmin astèt au courant avu m’ firme. »
Tout an walon, la, hin !
eredjisté a Landritchamp li 8 di decimbe 2023