Dimandeu : Kimint k' ça s' a passé, ô, li tronnmint d' tere ?
Respondeu : Li hosmint a-st arivé ki ns esténs edoirmous. Dj' esténs coûtchîs po dijh eures. A dijh eures[1], el tere a tronné. Li tere a stombi, a pô près troes munutes å long; kécfeye nén ddja ostant. Ça a-st ataké insi : « Jjjjj… », disca tant k' totafwait a peté. Eyet, a ene eure å matén, gn a co rieu èn ôte cabouxhaedje dvins les tienes.
Gn a ene loumire ki s' a-st esprindou. Il a aloumé, come avou ene aloumwere d' oraedje[2]… come ene aloumire d' oraedje.[3]
Il a fwait sclairi [clair, lumineux] insi disk' å matén. Disk' ås aires do djoû.
Ça a sclati a troes plaeces, ene sol tera cial, ene dizo l' ôte tiene vola, ey ene ådzeu do viyaedje. Après k' il a loumé drola, ça a ndalé pus lon, pu ça a flåwi evoye. C' esteut fini.
Les djins estént tertotes rastrindowes [emprisonnés] dins leus måjhons. Elle estént tertotes dins ene di ces saizenes ! Ele ni s' savént decider po rexhe a l' ouxh.[4]
Cwand il ont rexhou, al fén, i si dmandént d' onk a l' ôte : « les vosses sont i co vicants ? » « vicants u moirts ? »
Et pu, i s' ont rabindlé e-n ene plaece, tertos eshonne. Il ont veyou k' il estént tertos bén vicants. Mins end aveut k' estént tot droles, tot dzôrnés. Il estént mouweas d' sogne, probåbe !
Et la l' cayet, la !
Cwand ça a bouxhî la-hôt, cisse pire ci a tcheyou ciddé. E toumant, elle a djondou cist åbe la, et totafwait[5] a spité djus discar ci. Et gn a des ôtes insi pus lon.
Ôte dimandeu: Et l' aiwe, end aveut i ostant dvant ?
Respondeu: Nonna, savoz ! Elle a groxhi pår après l' tronnmint d' tere.
Filmé pa Lucyin Mahin li prumî d' octôbe 2023.