Feû qui djômih
C’ès-là qu’ont su leû dèstinêye
come in-ètéremint, tot strindant d’vins leûs mins
li dièrin boukèt d’ fleûrs di leû binamêye;
cès-là qu’ n’ont trové so leû vôye
qui l′åbe-coûte-djôye
èt, d’vant d’èsse djon.nes,
s’ont racrampi so leû pon.ne;
cès-là qu’ont dispièlé tot l’ grand tchapelèt dès låmes
èt rindou ′åme
è blamant d’ leûs prumîrès-amoûrs;
di zèls, li mwért ni tint d’zos ‘ne pîre
qu’on cwî d’ poussîre,
in-onê
èt, come on rodje crahê,
leû coûr !
Note Wikisourd
divins « Poèmes de Jules Claskin », eplaidîs pa Maurice Piron, La Vie wallonne, t. 16, 1936, p. 282-283.