Dji so-st-on’ ome,
Djè l’ pinse, dj’î crwè
Mi payîs c’èst l’ Bwagnecontistan,
On bwagne contetistanwès.
Qwè !
On’ ome dandjureux
Todi su sès dints
On pèle-chochin
Sins pont d’ choutwès
Qwè !
Dji pouro yèsse mayeûr
Dwâmu ‘squ’à totes lès-eûres
Pèle-panse avou lès djins
Minme lès cias qui n’ont rin
Tins !
Dji n’agnereû jamais dins one poume
Prusintéye pa n’ fème qu’a dès bèlès foumes
Catchîyes pa d’zo sès cotes
À m’ rauyî mès tchabotes âre èt ote
Sote !
Li Bwagnecontistan ; quén bia payîs !
Dji m’è rafîyerè todi !
Dj’î sèreû rwè
Dj’î waurdreû m’ patwès
Qwè !
Note Wikisourd
« Bwagnecontetistan » do tapiscrît a stî resplaecî cial pa « Bwagnecontistan ».