Disti-rima po les scoles di Bive

Èn årtike di Wikisource.
Aller à la navigation Aller à la recherche
Disti-rima po les scoles di Bive
2019

Vinoz a scole dilé mi,
Dit-st ele la Madi.[1]

C’ est tos les mårdis,
Dit-st i l’ Gui.

On a bén do plaijhi,
Dit-st i l’ Dani.[2]

Dj’ î a-st apris m’ croejhete,
Dit-st ele l’ Uguete.[3]

Et mi l’ ortografiye,
Dit-st ele li Juliye.[4]

Et mi, k’ in lièf’, c’ est on live
Dit-st i l’ Ive.[5]

C’ est come ene pitite famile,
Dit-st i l’ Emile.[6]

Dj’ elzî conte mes flåwiretes,
Dit-st i l’ Alfred.[7]

Ele sont cråsses, mins on n’ si rtoûne nén po ça
Dit-st ele Marina.[8]

On n’ si va nén catchî dzo les tåles,[9]
Dit-st ele Mariye-Påle.[10]

Li walon, c’ est on fameus bazår,
Dit-st i l’ André Jancårt.[11]

C’ est l’ tiesse ki fwait del djimlastike,
Dit-st ele Monike.[12]

Dj’ î frîze el menindjite toltins,
Dit-st i Caramin.[13]

Mins c’ est plaijhant ådla,
Dit-st ele Såra.[14]

Adon, rivnoz å bontins,
Dit-st i l’ Lucyin.[15]

Dj’ î serans les prumires,
Dijhèt ele les Bivires.[16]

Nonna, ci serè nozôtes les prumîs
Dijhèt i les Yålîs.[17]

Motoit ki dj’ î rårè les soçons,
Dit-st i l’ Leyon.[18]

E ratindant, boune anêye et boune santé
Dit-st i l’ Runé.[19]

Note Wikissourd
Sicrît a môde di paskeye pol fén di l’ ashyinne do waeyén-tins 2019 des Scoles di Bive.
Li rima riprind l' no et motoit sacwants "xhinêyes" des scolîs.
Les clintcheyès letes, c' est po des mots rimetous avou l' accint do scolî / del sicolresse.

Pî-notes

  1. Aduzant Mady Dorchymont, ki mete les scoles so pî.
  2. Guy et Dany di l' Institut d' Yåle, scolîs d' enaiwaedje sociå.
  3. po Huguette Lucy.
  4. po Julie Leboutte
  5. Yves De Sutter (ki djze picård, did la li cogne "lièf’ po live - li biesse)
  6. c' est Émile Clarinval
  7. Alfred Wanlin, todi presse raconter ene couyonåde, al « recreyåcion ».
  8. Marina Mont (paski les fåves da Alfred ni sont nén pikêyes des viers)
  9. po « taule » (« tåve »).
  10. Marie-Paule d' Ucîmont (minme idêye di n' nén rodji des cråsses k' Alfred dit)
  11. André Jancart (ki vént tofer avou l' Motî Yoran Embanner walon, et-z î waitî voltî les prononçaedje e-n AFE
  12. Monique di Bastogne.
  13. Francis Caramin (ki dit tofer cwand c' est trop målåjhey: dji frîze la mèninjite).
  14. Sara Lambot.
  15. Lucien Mahin (li prof)
  16. les Bivires = Mady Dorchymont et Huguette Lucy
  17. les Yålîs = Guy et Dany
  18. Léon Thomas (k' î amoenna René et Monike ki n' estént nén la les dierins côps).
  19. René Lamouline