Disseûlance
Li nut′ si plaque so mi-åme comne on båhèdje di feume.
Di l′ôte dès costés d’ Moûse, li bêté s’a win.nî
èt s’ loumîre avå l′êwe kissème dès blankès pleumes.
A l′ baye, ine cope vint s’aspoyî
èt leûs-åbions dansèt
èt pidjolèt so l′êwe avå lès bokèts d’ leune
èt d’ blankès pleumes qui s’ kitwèrtchèt.
Ine nûlêye passe, rin qu’eune,
mins ‘ne måheulêye
qui rapwète à crås-vê
totes lès nut’s di l′an.nêye !
Èt sins qu’on pôye dîre wice,
è l′ disseûlance dès quais,
ine saquî brêt…