D’zîr

Èn årtike di Wikisource.
D’zîr
rortografiaedje da Maurice Piron
D’zîr

Qu’èstez-ve ureûse, nûlêye,
qui l′ vint pwète èvôye è l′ grande sitårêye !

Tofér è plin dè l′ loumîre
dè solo qui r’handih, dè l′ bêté qu’ fêt sondjî,
vos ‘nn’alez-st-à l′avîr
po lès clérès vôyes dè pus bê payîs :
li cîr.

D’ine hauteûr parèye,
nos bins, nos mås, nos clapantès-îdèyes
ni sont rin po ‘ne nûlêye è grand vint.

Èt mi, li sot rîmeû, dji voreû-t-èsse, come vos,
foû d’ nos miséres, foû d’ tot,
èt sins nole ècoute
passer tot-oute !

Qu’èstez-ve ureûse, nûlêye,
qui l′ vint pwète èvôye è l′ grande sitårêye !