CONTE
PAR
Charles SEMERTIER.
Linâ, on joyeux forsôlé,
Aiméve à beure si p’tite roquêye
Divè Hèstâ, èt les mèye-nute estit passèye
Qwant noste homme lèyîve là s’ frèsé.
Ine nute qui l’heure èsteû tadrowe,
D’lez Coronmouse on grand laid rowe
S’apprépant, di : « Quélle heure è-st-i ?
Rèspond à l’ vole si t’è sûti ! »
Tant à dire : I m’ fâ ti-ognon.
Linâ, qui n’a nin foirt vite sogne,
D’ine trake li dâra on cop d’ pogne
Qui l’èvoya rôler â lon,
Tot l’araînant : « Tin ! vola l’ cop d’ine heure ! »
L’aute, tot moudri, si ramassa
Li cowe è cou comme i pola,
Dihant : « J’a tot d’ même di l’aweure
Qu’il è d’ja passé lès doze heure ! »