Cincwème du guère
Wice sont lès Cincwèmes du d'vins l' tins,
Plins d' solos, plins d' tchansons èt d' fleûrs ?
Wice èst l' flohe des riyantès djins,
Wice, lu djônèsse, wice lès djouweûrs ?
Lès djeûs, c'èst l' Mwârt, û, ki lès tint,
L'ârchèt è-st-in mins dol doleûr ;
Èt l' pus djoyeûse fièsse do prétins,
Come one Tossint, èzès coûrs, pleûre.
Même lu solo, riyant djônê,
N' waze djowi du s' djoûr lu pus bê
Èt s'a covri l' face du crèpes sombes.
Èt lès fleûrs, ku l' pré dène todi,
Ont l'êr du plorer so lès tombes
K'ont ègloti nos paradis.