Brouweurs
Schoûtez Lucyin Mahin lu-minme
(prononçaedje coinrece)
(prononçaedje coinrece)
Ene brouweur a côper å coutea:
Li Spetin
Vs î ratind.
Ene sipexheur a buker ddins
Ki vs ravôteye divins s' crouweur,
Ki vs ratoirtcheye divins s' mateur.
Do bon tins po s' aler neyî:
S' aler efagnî e sankisse;
S' aler essankyî e brouwisse;
Plonkî dins les bolants såvlons
Del Håye ås Bûs;
S' aler forvoyî e l' Blanke Fagne;
Toumer dins l' froede aiwe di l' Almaxhe
Apicî på Pépé Crotchet,
U l' Ome å havet.
Li Spetin, si vs vloz
Vs î moennrè.[1]
Note Wikisourd
Eplaidî aprume (disfondowe Feller) dins Singuliers (2/2000), pu dins l' Antolodjeye « Scrijheus d' Årdene » (2002) ; rimetou so l’ Aberteke e rfondou, riprins ciddé avou kékes pitits rapontiaedjes.