Al môde di nos djins

Èn årtike di Wikisource.
Al môde di nos djins
s.d.
Al môde di nos djins

Quand vént l’printins avou lès chambaréyes,
l’ pass’rôse èt lès preûmirès feuwéyes du solia,
Quand lès mouchons s’ènond’nut…
Di Djerpène a Walcoût, di Tchèss’lèt a Florène,
Dou Bourk a Djumèt an passant pa Ôco,
Èyèt didins tous lès p’tits vilâdjes pa d’la Sambe èt Moûse,
I n’èst nén râle d’ètinde pôtyî ô lon èl tchant d’in sife, li ra d’in tamboûr.
I n’èst nén sbarant di vèy sikètér l’ nwêre niût pa dès blankès marones,
Di vèy al piquète du djoû, dès r’vènants brotchî fou dou brouyârd come
Dès pièrdus al ricache di leû tins…
Bén râde, is d’véront dès sôdârds fèyant clatchî lès couleûrs
Didins l’ vét′ di nos pachis…
On wadjreut dès twèles di mésses imprèsionisses…