A triviès dè l’ plêve

Èn årtike di Wikisource.
A triviès dè l’ plêve
rortografiaedje da Maurice Piron
A triviès dè l’ plêve

Li nûlêye a drèné
sès pèsants tonês d’êwe rôlèt tot-avå l′ cîr;
on ôt toner.
Lès grozès gotes toumèt come dès baguètes d’acîr.

Lès-åbes ont l′aîr d’aveûr dès foyes di veûle
— dès foyes qu’ont l′aîr dè spiyî totes-èt-seûles.

Èmé cisse dilouhe,
deûs mohones, là pus lon, podrî lès maronîs,
avou leû masse di leûre èt dès rôses so l′ pas d’ l′ouh,
tûsèt — tot loukant ploûre come on louke sins vèyî…