Dj’a r’plôyî vos moussemints,
Bin r’nètîs dans l’ grande drèsse.
Tanawète avou m’ mwin,
I m’ faut qui dj’ lès carèsse.
Dins m’ pârfond, mès sov’nances
Si pièd’nut è dotances.
Èst ç’ qui dj’ vike on bwagne conte
Sèro dj’ co dins vosse monde ?
Rascrauwéye dins vosse tièsse,
Dji cache à vos l’ catchî…
Èt po n’ nin somadjî
Dji r’clô l’uch dè l’ grand drèsse.
Mwate ou vikante,
T'ès dins m' pârfond,
Come li vint dins lès-aubes,
T't-ossi rodje qui l' solia djondant,
T'ès dins m' pârfond,
Come mi keûr padri m' fôrcale.
T'oupléyes à plin djoû
Come on royon d' solia.
Ti r'chandis m' pia
Come on-èsté sins fin.
Dji so dins tès brès
Mwate èt vikante à l' fîye.
Dji n'a pont d'ôte tchwès !
Alzheimer/III
(Redjiblé di Po Monique)
Ciste ouve ci egzistêye eto divins ds ôtès ortografeyes : Rifondou walon.III
Alzheimer, 2021-2023