Mi k’ est né so ses boirds, c’ est a mi a l’ tchanter,
Copurade k’ i gn a måy nolu k’ î a pinsé.
Cwand c’ est k’ dj’ a vnou å monde, mi grande sour m’ a conté
Ki ça a stî a leye k’ on m’ aveut confiyî.
Todi so l’ boird di Wame, (ele) mi coûtchive dins les djoncs
Eyet po m’ edoirmi mi tchantéve ene tchanson.
Adon, trankile so m’ sôrt, ele codeut des noejhetes.
Mi, dji sondjive ås andjes tot lzî fjhant des rizetes.
Mes prumirès coulotes, a ! dji m è sovén bén
Ca c’ est adon k’ dj’ a yeu mi prumî accidint.
Dji pexhive ås grevisses, insi k’ ås blancs pexhons.
E ridant so ene pire, dji fjha m’ prumî plondjon.
Mi grande sour, po m’ pûni, ripurda mes coulotes
Et m’ codåna cwénze djoûs a rmete ses viyès cotes.
Et cwand dj’ fouri pus grand et k’ dj’ ava l’ liberté,
Dj’ esteu todi e Wame, et ça po m’ î bagnî,
Catchî dzo ene bele vôsse, fôrmêye pa les ôneas.
Ca, e l’ esté, nosse Wame ni voet måy li solea.
Et pu, gn av les guirlandes di liyanes et d’ houbion
K’ estént rascovrant Wame, acrotcheyes ås bouxhons.
Ele gripént l’ long des rotches, po rtoumer a festons.
Mi, dj’ admiréve tot ça e purdant des pexhons.
Et ses trûtes sont si beles, e leus rôbes årdjintêyes
Taetchtêyes di payetes d’ ôr ; a ! k’ ele sont bén parêyes !
A ! k’ dj’ av bon a les prinde, sortot dzo les royêyes.
(dji) Sbaréve li rwè-pexheu ki covéve dins s’ bea ni
Avou ses bleuwès aiyes coleur miyozoti.
Çou k’ dj’ admiréve ossu, c’ esteut les bindes d’ orondes
Ki, tot volant radmint, s' rawijhént l’ aiye so l' onde,
Tins ki, so l’ boird di l’ aiwe, des ôtes tcheriént l’ leuze-tere,
Pareyes a des ovrîs k’ bastixhèt leu måjhon.
Est les d’jous d’grands oratches, hà pormi qué bonheur
DI veuïe alors li WAMME didins totes ses fureurs
Elle est covrue di chume !!!!! di colére elle est d’jenne
Tot comme on tchvau fougueu, qu’aurèt cassé ses resnes
Mais l’endmain au matin pareie au tchvau forbu
Elle est rintrée ess lit, bin contin’ne di doirmu
Est quand c’ess est l’huvièr, qu’il l’plaine di nîve est covrue
Li WAMME comme li nature est stossi èdoirmue
Pareie qu’on noir ruban, su one blanque robe di lin
Elle trace po ses contours totes sortes di bais dessins
Mais v’la l’huvièr qu’est va, il est tchessé pa l’prétimps
Pirdez on pô patience, i va avur do quandj’mint
V’la les grands bois d’Ardenne, qui q’minçait à hûler
Hà waitan à nos ôtes, l’WAMME si va dispierter
V’la les vints qu’arrivait, i q’choait l’tièsse des vi tchènes
Comme po les dispiertait po assistait a l’scène
Vola l’WAMME qui s’solève, elle ritrouve ses poumons
Est elle fait craquait l’gless, c’est come des côs d’canon
Enfin l’est délivrée, elle va sotnu s’vî nom
Ca elle ratind d’pî ferme, ses ennemis les glessons
Vola qu’on ètind do bru, c’est l’avant garde qu’arrive
Vola les djins di J’meppe tortos su les deux rives
Pareie à des escadrons i passait en rangs serrés
En montant onque su l’onte querrant à s’divancer
Est quand is’arrètait, est qui v’let s’chamailler
Li WAMME y met bon ordre, est les fait défiler
S’sispiant comme do cristal, c’est ston vrai cliquetis
Comme les sonnettes d’ardjin, qu’on s’siève o paradis
Est pu vla les vîs stocks, les vîs tchènes di Freyir
Accompagnait d’ leus sours, les Beöles, les Brouyres
Covru di blanc mosrai, y sont vraimint tchènus
Saluez-les au passatche, y mètitait on salut
Est l’WAMME qui rôle todis, on vet qu’elle est pressée
C’est qu’elle vout rveue si sour, li p’tite aye di Hèdrée
Vola bintôt treus moes qu’elles ni s’sont pu vèü
Est elles sont totes contin’nes à l’fin di s’ritrovu
Elles vont brès d’çu, brès d’zo, en s’ contant les novelles
Est tot en caquettant, elles arrivait a J’melle
Mais li Lhomme les ratind, po l’zengloutit dins s’ tonde
Li WAMME a pierdu s’nom, elle disparait do monde
Est c’est st’ainsi po tos, v’zaurez beau fè do brut
Vairait todi on d’jou q’vosse nom sèrait pierdu.
Wame
Wame
diviè 1900
Wame