Walon, nosse lingaedje
Fidele kipagnon d' nosse djonnesse,
T' as fwait d' nozôtes çou k' nos estans:
Des djins k' wårdet leu cours e fiesse
Et ki oizèt t' mintni vicant,
Des bén-metous disk' al nôblesse
K' on soeye ovrî u payizan
Fidele kipagnon d' nosse djonnesse,
T' as fwait d' nozôtes çou k' nos estans.
T' saveur inmé, c' est ene ritchesse
K' atome do cir, po-z esse a s' pan,
Po-z aclever tos nos efants
Avou confyince et hardiyesse.
Fidele kipagnon d' nosse djonnesse,
T' as fwait d' nozôtes çou k' nos estans.
Note Wikisourd
eplaidî aprume so l' Aberteke; rimetou cial avou kékes pitits rcoridjaedjes.