Vos, såvaedjès fleurs

Èn årtike di Wikisource.
Ciste ouve ci egzistêye eto divins ds ôtès ortografeyes : Vos, såvadjès fleûrs (Feller) —  Vos, såvadjès fleurs (rifondou 2021).
Vos, såvaedjès fleurs
Aberteke,
Vos, såvaedjès fleurs

Vos, såvaedjès fleurs ki dj’ coda :
Sinés, pavoes et flaminetes,
Flaneyes, vos n’ estoz k’ araedjas ;
Souwêyes, vos divnoz tote mannetes.

Walon, dins les lives k’ on vs meta,
Vos ravizez dipus k’ ene miete
Ås såvaedjès fleurs ki dj’ coda :
Sinés, pavoes et flaminetes

I vlént k’ po todi on vs wårdaxhe
Dins on waxhea, mo prôpe et nete.
Dji m’ fote di vs awè dzo l’ covra
La k’ bénrade, vos rshonnrîz schåynete
Ås såvaedjès fleurs ki dj’ coda.

Lucyin Mahin, sol voye, après Azemmour (la k’ gn av toplin des såvaedjès fleurs), li 17 di fevrî 2014.