Nos alans fet ronflet noss’ voix comme onn’ trompette.
On s’nauhit trop sovin d’étinde onn’ voix d’misrette,
Qui tchante les tropais, les amours et l’ bonheur,
Kiminçans sus on ton digne di l’empereur.
Voci les novais timps qu’éve prèdit l’baronne.
Tot a fait va kanget, pass qui l’bon dieu l’ordonne.
On va divni méeux qu’on n’éve jamaîs stî.
Gnauret pupont d’voleurs, et t’tafait n’nirait q’mî.
On vierret l’vî Davin rivnit avou s’pérouque,
Et, dvin l’timps q’tgallans vaie, on mougret pus q’do souque.
Sètchedame, surtout prends sogne di l’effan,
D’l’effant q’Marie Louise a dnet au conquérant,
Nos l’vierans ès carotche on tgou allet a s’ tauche,
Et do rimet la dsus Antoine est tga binauche.
Cést ti q’nos ramînret l’bon timps do pére Adam,
Kwand ses effants avint deus treus méchons par an ;
Dvin pô d’timps on t’vierret, après onn’ kimachrée,
Rilure au premi rang do l’France sibarée.
C’est ti q’nos fret roviet tots nos anciens malheurs.
Et qu’on vierret anfin porminet sus des fleurs.
Bluchés et Vilinton n'seront pus q’des Gribouies,
Et les sôdarts do Nôrd trônront comme des fouies :
To l'zabattrets tortos, tot comme on cheu des pois,
Et l'pais rvairet avou l'vinqueur di tots les rois.
Por ti l'terre poitret des fréches, des coignoules,
Des nêches, des heupons, des fleurs et des rampioules.
Les gattes rapoîtront do lessai plein leus pis;
Gnauret puspont d'roleurs, pus d'poison, pus d'tézis ;
Les leups et les egnais au tchamp tgoueront essônes,
Et sur les purnalis on n'codret pus q'des prônes.
On gros live diret tot su qui t'pére a fait;
Comme li, to dvairet onn empereur parfait.
Les avônes, les blets rigorgront dvin nos grêgnes;
Onn' floche di réhins vairet flachet nos vêgnes ;
Sins esse risèmèt, l'grain d'li-même vairet ;
Et des tchènes do bois li lâme si sgottret,
Et nos l'pôrans houmet foû des ptites potalles.
I gnauret co portant des ci q'sus des neçalles
Voegront po fet l' guerre, et, sus l'foi d'on trésôr,
Iront bin long d'voci, po z'y ramasset d'lôr.
Mautche vôret s'sotni, comme les ôtes vaies :
Tots les maçons d'Hologne apoitrons leus ostaies,
Et, podri l'vi Renson, les Tgénâs, les Massars
Martocqront à plaihi, po rlèvet les ramparts.
Les Russiens n'sont nin blancs; ca les Français en masse
Iront tott qu'à Moscou les qsétchet po l'tignasse.
Kwant stici séret grand, dvin l'vaie et dvin les tchamps
Il iret po s' plaihi, po sémet des aidans.
On n'les ramassret nin; ca l'terre foû di s'panse
Flancqret po ttavau l'monde onn' rude abondance.
Gnaurans pus dangi d'boûs, ni d'restai, ni d'treiens :
On vierret vni tot seus les krompires, les grains,
Enfin nos n'aurans pus adon qu'à drovi l'botche.
L'laine sus les berbis créchret en divnant rotche,
Ou si vette qui prèt, et, po l'pus bai do tgeu,
Nos n'aurans pu dantgi do l'portet mon l’tindeu.
Hé bin, c'charmant timps là, c'est nin mutois di s'faute,
Mais l'Baronne, on bai tgou, l'vééve en tapant l'caute.
— C'est por ti qui l'terr' toûne et qu'on veut dvant l'solai
Rolet on firmamint qui dvint todi pus lai ;
Corètche ! divin grand, et g'nos t'véanche onn' homme,
Pussqu'on t'a batiset do nom di ptit roi d'Rome.
Ah! qui tg'vique longtimps! afin qui, dvin mes vers,
Tgi pouche tchantet t'nom po dvant tot l'univers.
Si tg'y pléve arrivet, tg' crierès comme onn' Arabe ;
I m'sône qui tg'aurais onn' vois comme on diable.
Ci n'seret nin l'Fouldak, ni co l'maurli d'Wahaut
Qui m'serint comparet po gueulet comme i faut.
Si même Henri Côrhait arrivéve do l'Roche,
Henri Côrhait serait contint do clôr si botche.
Kimince, ptit cherlou, do rire à tes parints ;
Ti mére a sti dix mois dvin des bin grands chagrins.
Console-nos tortos; mosse-nos q'to sé rire :
Mosse-tu dispiertet, po prétinde à l'empire.
Virgile à Mautche avou ses biergîs/IV
Quatrème églogue