Stefenn.
A l’ombe[1], chèr Bondal, d’ on vî hesse flachet,
To jaues d’ol bastrinque avou t’ goëeux archet.
Et dol timps qu’ afflitgets et plorant nos miséres ,
Nos quitans noss’ païs et l’mohon d’ nos vîs péres,
Todi stindou, Bonbal, comm’ vot’ là, sus l’wazon,
To répètes todi l’ nom di t’belle mayon.
Bonbal.
C’est-on bon Dieu, valet, qui m’ lai voci tranquille:
Creume; c'est-on bon Dieu : tos les ans, l'mois d'avrille
Vierret crèche por li mes boûs et mes egnais;
C'est li qui m'lai voci codûre mes tropais,
Et c'est por li qui tg'chante, à l'ombe pacifique,
Sus m'chalet violon des bais airs di musique.
Stéfenn.
Tgi n'sus nin èvieux; mais tgestans bin sbarets
Dot vaie comme nos tchamps vont esse dichèrets.
Waîte avou qué mâlheur tgi va q'traînet mes gattes,
Sou qui m'cosse cicell' qu'a fortgetet torates :
S'biquet, i féve, hélas! tot l'espoir di m'tropai ;
Mais il est d'moret là, d'zos on vî waroquai.
Tgo l'éve bin pinset au tgargon d'onn' kwarnaie.
Tgai veou onn' sakwet qu'est pus teribe à vaie :
Li tonneur, au dzeu d'mi, tourbiant à hiquets,
A spiet on vî tchène ès pus d'vingt si boquets.
Les tgens, au pus sovint, s'ils n'estint nin si biesses,
Vierrint bin les malheurs qui pindet d'seu leus tiesses;
Mais l'ci qu'eston bon Dieu, tgi vous saveur qui q'cest :
Deheum qui q'la ponou, deheum qui q'la covet.
Bonbal.
Tgi pinsève qui Mautche estéve onn' petite vaie,
Deus-treux mohons essône, à Bordon tot paraie ;
C'est les pus grands sakwets comparets à des rins;
C'est comparet l'tgônntée à l'mère di nos tchins ;
Ca Mautche live ostant s'tiesse sus ses vehennes,
Qui l’pus grand d’nos peuris li saine au d’sus des spennes.
Stefenn.
Et mervaie assetî tot qu’au pî do grand tier ?
Bonbal.
Faut i esse ossi poôf ès l’estet qu’ès l’hivier ?
Viquet sin libertet, sin kaurs et sin corètche,
Si tchenou qui tgestéve et l’pus vî do viètche ?
Ca, tot l’timps q’tgai dmoret mariet avou Tgetrou
A tgestéve li pus poôf qui t’asjamais véou.
Maugré q’tgéve minet tant des egnais à l’fôre,
Tgi n’éve jamais pont d’patacons a risclôre.
Tgi vééf filet m’bûre a fait qui tglév’ batou.
Et m’froumatche do côp qui tgléve sitoirdou.
Stefenn.
Tgestève tot sbaret, et Tgetrou tott’ chagrenne
Dehéve ses pater a l’eglîss’ di Marenne.
Bonbal n’estév’ nin la : c’est l’méeu des biergis
Les tgônes li rquerint tot ossi bin q’les vîs.
Bonbal.
Qui m’falléve-ti fet tgestév’ todi paraie,
Tgi n’éve qu’on recours : c’estév' d’allet ol vaie,
Et do priet l’bon Dieu do roviet m’vî petchî,
Et d’nos rinde méeux qui tgnavin jamais stî.
A Mautche, tgai vèou l’vî ritchau qu’a l’patiince
Do rcir deux côps par an li tressin di noss' since.
C'est Labaiville, i d'meure ol Troukrée, ès tchestai.
Do kô qui ma véou: Bonbal, volà m'tropai,
Disti, vos véeus q'c'est des biesses qu'ont bonn' menne;
Sognez les bin, saveu ; minez les ol Famenne.
St.
Hei ! qué charmant bonheur ! maugré qui v'zesteu vî;
Vos serez bin voci; vos n'sauris esse mi.
Vos waudrez vos tropais d'vin des belles campagnes,
Et d'vin des bais pachis, qu'on l'air d'esse des fagnes.
V'zirez d'zos l'Monumint, v'zirez au font des-Veaux,
Au triviet des frechiss' et d'sus les blancs caieaux,
D'où quigna pont d'tési, d'où qu'igna pont d'dôrnalle,
Bonbal, et vos tropais n'attrappront jamais l'galle,
Tot do long dol' Martchette et sus l'boir di Bôdô,
Vos pôrez tot au moins vripoiset tot vos’ sô.
Et podri onn' grand hâie onn' moche qui sammiaie,
Vos fret, avous plaihi, clôre l'oûie au sommaie.
Vzetindrez l'fagoti, qui d'vin les spets bouchons,
Fait ronflet à splaihi ses tgoëuses tchansons.
Voss' turturelle avou les colons d'sus les tchènes,
N'cessront nin do gronlet, tot comme des Madlaines.
Bonbal.
Les ciers iront dvin l'air pache avou les ohais,
Et les trûtes vôrint n'nallet foû d'nos richais,
Les rois et les biergîs vôrint kantget d'kasaques,
Et l'Mautchois beuret d'laiwe au païs des cosaques,
Qui tgi n'rovierais nin l'pére di mes berbis.
Stefenn.
Mais por nos, nos n'nirans, tgi n'sé dvin qué païs,
Coratant comme on veut des ohais sus des brantches,
Ou bin doû qui, dsus l'mer, l'monde est ralongui d'plantches.
Nos rvaîrans co portant rvaie on tgou nos mohons,
Et nos tchamps, d'où q'javins des si belles méchons.
I spassret bin do timps ; pus nos les vaîrans rvaie;
Mais nos savans dtgà bin qui rin n'seret paraie :
Des cosaques splouktront tots les fruts d'nos labeur,
Comme il ont dispouet les moches da Wangneur.
Volà su q'cest dol guerre : on sème des avônes;
C'est po rcîre des côps d'cravache po ses pônes,
On sôdart vos mougnret et vos fours et vos grains.
Greffez co des peuris; espérez des réhains.
Allez, m'pôfe tropai, berbis tott' dicherées ;
No, tgi n'vos vierrai pus, dissus tott' ces hourées,
Brostet les ptits bouchons, tchibotet d'sus les fleûrs,
Et m'petit flageolet ni v'tchantret q'des malheurs.
Bonbal.
Mais nos plans co portant voci loget essônes,
Ca tgavans co do poin, dol confiteur di prônes,
Dol maquée et des pois, dmorez, ca vos véeus
Qui l'foumire à grands flots cramiaie au d'sus des teuts.
L'solai, por on momint, rglatit co sus l'Famenne,
Et l'ombe do grand tier si stind tjusqu'à Verdenne.
Virgile à Mautche avou ses biergîs/I
Ciste ouve ci egzistêye eto divins ds ôtès ortografeyes : Feller (Mahin) — Feller (Calozet) — Rifondou.Premire églogue
Stéfenn, Bonbal
- ↑ Li marcaedje des halcrosses E permete di rtrover li tipetape del mwaisse modêye