Vî rôleu d’ bwès
Vos ki råbeye tote li djournêye
Avå les coxhes d' ene djonne virêye
Ascropoz vs, don, vî rôleu d' bwès,
Po lére kéctchôze da Calozet.
Vos ki trouve si veye télmint deure…
On vs voet bouxhî l' ivier e peur.
Tot ça est scrît, vî rôleu d' bwès,
Didins les lives da Calozet.
Vos sroz tot fir di çk' i raconte:
Ki vos vikez li mî do monde.
Minme vos sospirs, vî rôleu d' bwès,
Sont bén contés pa Calozet.
Purdoz po rén les istorietes
Fwaites po les ritches poncés d' twelete
C' est vos l' pus bea, vî rôleu d' bwès
Sapinse k' i m' dit nosse Calozet.